Multikulturalizm Tədqiqat Mərkəzi

MƏQSƏDİMİZ:

Humanitar və sosial elmlər, habelə Azərbaycan multikulturalizmi və mövcud multikultural modellərin nəzəri-praktik tədqiqi və istiqamətləri üzrə elmi tədqiqatlar aparmaq, tədqiqatların nəticələrinin elmi mühit, cəmiyyətlə  bölüşmək, elmi tədqiqat işləri və layihələri həyata keçirmək, ölkə daxilində və xaricdə yerləşən tədqiqat mərkəzləri, institutlar, universitetlər və  aidiyyatlı qurum təmsilçiləri ilə əməkdaşlıq etmək və s.

PROQRAM VƏ LAYİHƏLƏRİMİZ:

Multikulturalizm  ideyalarının tədqiqi və təbliği  istiqamətində   respublikada və xaric ölkələrin təhsil mərkəzləri ilə  əməkdaşlığın təşkili; ali təhsil müəssisələrinin humanitar təmayüllü fakultələri ilə multikulturalizm istiqaməti üzrə elmi mübadilələrin həyata keçirilməsi,  ixtisas kurslarında mütəxəssilərin mühazirələrinin təşkili; Mərkəzin elmi tədqiqat fəaliyyətini həyata keçirməsi üçün zəruri olan tədbirlərin aparılması və s.

HƏDƏFİMİZ:  

Azərbaycanda multikulturalizm mühitinin və tolerantlığın  tarixi ənənələrinin inkişaf meyllərinin, mədəni müxtəlifliyinin hüquqi, siyasi  və iqtisadi əsaslarının tədqiqi və təbliği; Milli-mənəvi dəyərlərimizin, multikultural ənənələrimizin öyrənilməsi, təbligi və təşviq edilməsi istiqamətində UNEC müəllim və tələbələri ilə birgə layihələr həyata keçirmək üçün  UNEC-in fakultə və kafedraları ilə  iş aparılması; Mədəniyyətlərarası anlaşma və mədəni müxtəliflik məsələlərinə həsr olunmuş dəyirmi masa və elmi seminarlar, mühazirələr keçirilməsi UNEC-də mütəxəsislərin mühazirələrinin təşkili və s.